Florent Boshnjaku pjesëmarrës në BG Music Festival

Kompozitori kosovar, Florent Boshnjaku, do të marrë pjesë në festivalin kombëtar të Bullgarisë, BG Music Festival, që do të mbahet më 9 dhe 10 qershor në Sandanski, njofton Klan Kosova. Boshnjaku është përzgjedhur në kategorinë e kompozitorëve ballkanas, të cilët do t’i prezantojnë krijimet e tyre krahas kompozitorëve bullgarë. Në karrierën e tij, Boshnjaku ka bashkëpunuar me këngëtarë nga Shqipëria, Bullgaria, Turqia, Greqia, Maqedonia, etj., si dhe ka korrur sukses të madh në Eurovision me këngën Suus, të kënduar nga Rona Nishliu.