Të shtunën në mëngjes, ndeshja e fundit e fazës “Play-In” vjen ekskluzivisht në Artmotion dhe Klan Kosova. Golden State Warriors që u mposhtën nga LA Lakers në qastet e fundit me rezultat 103-100, tani do të luajnë shansën e fundit ndaj Memphisit që me shumë vështirësi mposhtën San Antonio Spurs në ballafaqimin e parë të fazës “Play In”. Takimi do të zhvillohet të shtunën, me fillim prej orës 3 të mëngjesit, ekskluzivisht Art Sport 1 dhe Klan Kosova.
03:00 MEMPHIS GRIZZLIES – GOLDEN STATE WARRIORS ART SPORT 1 & KLAN KOSOVA
Kjo do të jetë ndeshja e e fundit në fazën “Play In” për dy skuadrat që do të ballafaqohen mes vete. Mjafton një fitore për dy klubet që të kualifikohen si vendi i tetë në konferencën perëndimore, për të filluar fazën “Play Off” ndaj Utah Jazz.
Në ndeshjen e parë, Memphisi mposhti me shumë vështirësi San Antonion me rezultat 100-96. Ishte një ballafaqim shumë interesant, me Memphisin që kishin 21 pikë avantazh në çerekun e parë ndërsa në periudhën e dytë të ndeshjes, San Antonio me një seri prej 20-3 afroi rezultatin për të dueluar ashpër deri në fund të ndeshjes. Sezonin e rregullt, Grizzlies e përfunduan në vendin e nëntë me 38 fitore e 34 humbje.
Nga ana tjetër, edhe ballafaqimi mes Golden State dhe Lakers ishte shumë interesante. Fituesi nuk dihej deri në qastet e fundit, ku LeBron James me një treshe nga distanca realizoi për fitoren e 17 herë kampionëve në fuqi. Tani, Stephen Curry me shokë do provojnë ta kalojnë testin e quajtur Memphis për të shkuar drejt “Play Offit” ku do të filloj menjëherë të shtunën në mbrëmje.
Kjo do të jetë ndeshja e katërt mes dy skuadrave. Në tri ndeshjet e sezonit të rregullt, Warriors kanë fituar dy herë ndërsa Memphisi një herë.
Grizzlies, 5-shja e mundshme startuese:
Valanciunas, Jackson Jr., Anderson, Brooks, Morant.
Warriors, 5-shja e mundshme startuese:
Looney, Green, Bazemore, ëiggins, Curry.
●●●
SZSHKRIMI NGA
Sh Z
Editorial nga Klan Kosova — ndjek sport dhe zhvillimet e tjera kryesore të vendit.
