Firmoset ujdia për kredinë 15-milionëshe për Telekomin

Ministria e Financave dhe Telekomi i Kosovës kanë nënshkruar një marrëveshje për kredi investive, në vlerë 15 milionë euro për këtë ndërmarrje. “Kjo marrëveshje synon të vazhdojë investimet në teknologjinë e pajisjeve dhe sistemeve telekomunikuese të Telekomit të Kosovës duke mundësuar kështu ofrimin e shërbimeve më të shpejta dhe cilësore për institucionet dhe qytetarët tanë”, thuhet në njoftimin e Ministrisë, përcjell Klankosova.tv. Ujdia në fjalë, thuhet se ka për qëllim të garantojë qëndrueshmërinë financiare të Telekomit. “Ky investim në përmirësimin e ofrimit të shërbimeve nga Telekomi i Kosovës rikonfirmon përkushtimin e Qeverisë së Kosovës për kthimin e ndërmarrjeve publike në një qendër të rëndësishme të zhvillimit ekonomik në vend”.