Lajmet e fundit
Kryeministri i Finlandës ka akuzuar Rusinë se po ndihmon emigrantët të hyjnë në vend ilegalisht, duke thënë se disa prej tyre janë ndihmuar nga rojet kufitare ruse.
Zyrtarët finlandezë thonë se emigrantët arrijnë me makinë përpara se të kalojnë me biçikletë në grupe të vogla përpara se të kërkojnë azil.
Numri i kalimeve mbetet i vogël por ka shënuar rritje këtë javë. Rojet kufitare thonë se kanë regjistruar rreth 60 kalime në 24 orë.
Kjo krahasohet me 91 në katër muajt deri në 12 nëntor, raporton BBC, transmeton Klankosova.tv.
Matti Pitkaniitty, një kolonel në rojën kufitare finlandeze, i tha BBC News se migrantët përfshinin shtetas të vendeve duke përfshirë Irakun, Jemenin dhe Sirinë, të cilët kishin mbërritur legalisht në Rusi, por nuk ishin të autorizuar të hynin në Finlandë, e cila është një vend anëtar i BE-së.
Në një konferencë shtypi të martën, kryeministri Peteri Orpo akuzoi autoritetet ruse për lehtësimin e kalimeve të paligjshme.
“Është e qartë se këta persona janë ndihmuar dhe po ashtu po shoqërohen apo transportohen në kufi nga rojet kufitare”, tha Orpo.
