Lajmet e fundit
Sot në Kajro zhvillohet finalja e madhe e Kampionatit Botëror të Karatesë, ku karateisti nga Kosova, Islam Selmani do të përballet me turkun Eray Samdan, një nga emrat më të fortë të skenës botërore të këtij sporti.
Kjo ndeshje përbën një moment historik për karatenë kosovare, e cila deri më tani numëron vetëm dy medalje botërore, të dyja të bronzta, raporton Klankosova.tv.
Selmani pritet të luftojë për të sjellë medaljen e parë të artë në histori për Kosovën.
Finalja nis sot në orën 10:00 sipas kohës lokale në Kosovë.
Karateisti, siguroi vendin në finale pas një paraqitjeje mbresëlënëse në gjysmëfinale, ku triumfoi bindshëm me rezultat 9:1 ndaj garuesit nga Uzbekistani, Mekhriddin Turakhonov.
