Finalja e madhe sonte në EURO 2024, te kush do të shkojë titulli?

Sot zhvillohet ndeshja kryesore në kuadër të EURO 2024-shit, ajo e finales mes Spanjës dhe Anglisë. Që të dyja kombëtaret janë të shkëlqyera, dhe shquhen për lojën mahnitëse që bëjnë. Duke filluar nga ora 21:00, në Olympiastadion spanjollët dhe anglezët ballafaqohen për të fituar kupën e Kampionatit Evropian, shkruan Klankosova.tv. Spanja po lufton për titullin e saj të katërt në kuadër të Evropianit, ndërsa anglezët janë në finalen e tyre të dytë. Ndërkaq, shtëpia më e madhe e futbollit evropian, UEFA ka publikuar gjyqtarët e kësaj përballje madhështore dhe tejet emocionuese. François Letexier, Cyril Mugnier, Mehdi Rahmouni dhe Szymon Marciniak janë përzgjedhësit e UEFA-së, si arbitrat që gjykojnë ndeshjen përfundimtare.