Final 4 i Ligës Unike nis sot në Tiranë, përballje të forta në gjysmëfinale

Sot dhe nesër zhvillohet Final 4 i Ligës Unike në konkurrencën e meshkujve, ku katër skuadrat më të mira do të luftojnë për trofeun. Nga Grupi A janë kualifikuar Besëlidhja dhe Vëllaznimi, ndërsa nga Grupi B biletën për në fazën finale e kanë siguruar Peja dhe Golden Eagle Ylli. Gjysmëfinalja e parë sjell një duel mes dy skuadrave kosovare, ku Peja përballet me Vëllaznimin. Ndërkohë, në gjysmëfinalen e dytë, Besëlidhja do të sfidojë Golden Eagle Yllin, në një përballje që pritet të jetë mjaft interesante. Të enjten do të zhvillohen ndeshja për vendin e tretë dhe finalja e madhe, ku do të përcaktohet kampioni i këtij edicioni. Të gjitha ndeshjet do të luhen në Pallatin e Sporteve “Feti Borova” në Tiranë dhe transmetohen direkt në Artmotion. Orari i ndeshjeve: 25 mars 16:00 Peja vs Vëllaznimi 19:00 Besëlidhja vs Golden Eagle Ylli 26 mars 15:00  - ndeshja për vendin e tretë, 18:00 - finalja