Lajmet e fundit
Në Qendrën për Zhvillimin e Mjekësisë Familjare në Prishtinë sot u bë hapja solemne e fillimit të zbatimit të programit të trajnimit për vendosjen e standardeve ndërkombëtare për parandalimin e përdorimit dhe trajtimit të përdoruesve të substancave narkotike.
Hapjen e trajnimit e bëri Milazim Gjocaj, koordinator dhe përfaqësues i MSh-së.
Ai kërkoi nga pjesëmarrësit përkushtim dhe angazhim maksimal në realizimin me sukses të këtij trajnimi nga ku edhe në Kosove do të dalin trajner ndërkombëtar në këtë fushë.
Ky trajnim do te zgjasë dy javë dhe me këtë rast janë duke u trajnuar 18 profesionistë.
Në një kumtesë të Ministrisë së Shëndetësisë bëhet e ditur se përfshirja e Kosovës në këtë program ndërkombëtarë në të cilin janë të anëtarësuara edhe 47 shtete tjera, është në frymën e agjendës se MPJ për anëtarësimin e Kosovës në organizatat ndërkombëtare si dhe programet dhe proceset e mirëfillta globale.
Aktiviteti në fjalë sponsorohet nga Misioni i SHBA në OKB dhe Departamenti i Shtetit të SHBA, Divizioni i Drejtësisë Penale (Criminal Justice Divizion) në partneritet me Organizatën Botërore të Shëndetësisë (Ëorld Health Organisation - ËHO) dhe Zyra e Kombeve të Bashkuara për Drogat dhe Krimin (United Nations Office on Drugsand Crime -UNODC).
