Fillon seanca përfundimtare për vdekjen e kadetit të policisë, Floridian Shabaj

Në Gjykatën Themelore në Pejë sot është duke u mbajtur seanca për vdekjen tragjike në aksident trafiku të kadetit të policisë, Floridian Shabaj. Seanca në fjalë ka filluar nga ora 09:30. Më 20 nëntor për rastin në fjalë kishte dalë para trupit gjykues Arsim Gërxhaliu. Atij iu parashtruan disa pyetje nga prokurori i shtetit, Ersan Qavolli. “Prej shokut hemorragjik kanë ndërruar jetë, janë mbledhur 2.1 litër gjak, mirëpo sikur të kishte në sallë operative, pa u mbledh ky gjak, sa ka ndodhur aksidenti, a ka pas mundësi me shpëtu?”, është shprehur Qavolli. Gërxhaliu e mohoi një situatë të këtij lloji. Ishte babai i viktimës ai që poashtu bëri pyetjen se a do të mund të mbijetonte 2-3 minuta. Kjo, referuar deklaratave të të akuzuarve se në momentet kur iu afruan veturës kadeti po rënkonte me thirrjen “Oj nanë, ndihmë bre”. Megjithatë edhe kjo nuk u konfirmua nga Gërxhaliu që thotë se gjendjet e tilla vështirë përcaktohen, por i ati i Florianit nuk u bind nga përgjigjet e ekspertit, ndaj kërkoi superekspertizë për të cilën nuk u pajtua pala e akuzuar, e që konstatoi edhe Gjykata e cila vendimin përfundimtar do ta marr më 10 janar. /Klankosova.tv https://www.youtube.com/watch?v=XVodRklUmew