Lajmet e fundit
Sot ka filluar "Java e Sigurisë në Komunitet", ku policia do të ketë aktivitete nëpër rajone të vendit, deri më 14 qershor.
Në njoftimin e tyre bëhet e ditur se Policia e Kosovës ndër të tjera sot ka shpërndarë edhe fletushka me përmbajtje vetëdijësuese, përcjell Klankosova.tv.
Tutje, thuhet se qëllimi kryesor i këtyre aktiviteteve është promovimi i partneritetit polici-qytetar si dhe rolit të Forumeve të Sigurisë.
"Sot më 5 qershor 2023, Policia e Kosovës, Drejtoria e Policimit në Bashkësi dhe Parandalim, në bashkëpunim me autoritetet tjera dhe OSBE-në, në rajonin e Prishtinës ka filluar aktivitetet në kuadër të “javës së sigurisë në komunitet” që si qëllim kryesor i këtyre aktiviteteve është promovimi i partneritetit Polici-Qytetar dhe rolit të Forumeve të Sigurisë".
"Gjatë këtij organizimi sot në kryeqytet ku pjesëmarrës ishin përfaqësues të KLSP-së (Komitetet Lokale për Siguri Publike), zyrtarë policor, nxënës dhe përfaqësues të organizatës rinore-ROR, interesimi i qytetarëve ishte inkurajues dhe në drejtim të Policisë u parashtruan pyetje të ndryshme që ndërlidhen me sigurinë.Gjithashtu, në kuadër të aktivitetit të lartcekur u organizua edhe kuizi i diturisë me theks njohuritë në fushat e policimit në bashkësi, siguria në trafik, bullizmi dhe dukuritë tjera negative. Policia e Kosovës shpërndau edhe fletushka me përmbajtje vetëdijësuese, përderisa nga OSBE u ndanë dhurata. Java e Sigurisë në Komunitet do të vazhdoj edhe nëpër rajonet tjera të vendit deri më 14 qershor 2023", thuhet në njoftimin e policisë.
Rrini të informuar mbi zhvillimet kryesore duke u bërë pjesë e komunitetit tonë në Viber.
BONUS: Merreni aplikacionin tonë në Android dhe iOS.
[caption id="attachment_2073627" align="aligncenter" width="999"]
Policia e Kosovës[/caption]
