Një ngjarje e pazakontë dhe e rëndë ka ndodhur gjatë natës në lagjen “ 8 Shkurti” në Fier.
Në tentativë për të vjedhur në një shtëpi, një 40-vjeçar, i paidentifikuar ende, ka humbur jetën pasi gjyma e trupit i ka ngecur në dritare.
Sipas vëllait të kryefamiljarit , Nikollaq Lule, shtëpia tre katëshe i përket Uan Lules, i cili prej një muaji ndodhet në Greqi tek fëmijët e tij, raporton Neritan Trifoni.
Ai tregoi se fqinji që përkujdeset për shtëpinë e ka gjetur të vdekur në dritare hajdutin dhe ka lajmëruar menjëherë policinë, raporton Top Channel, transmeton Klankosova.tv.
Trupi i pajetë është dërguar në morgun e Fierit ndërsa nuk është identifikuar ende. Po ashtu po punohet për përcaktimin e vërtetë të shkaqeve të vdekjes.
●●●
VRSHKRIMI NGA
Ve Ra
Editorial nga Klan Kosova — ndjek lajme dhe zhvillimet e tjera kryesore të vendit.
