Fico: Sllovakia mbështet anëtarësimin e Ukrainës në BE, por jo në NATO

Kryeministri sllovak Robert Fico tha sot gjatë një takimi ndërqeveritar me kryeministrin ukrainas Denys Shmyhal, se Sllovakia mbështet plotësisht hyrjen e Ukrainës në BE, por jo në NATO.

"Unë flas sinqerisht - ne jemi "të ftohtë" për anëtarësimin e Ukrainës në NATO, por ne ju mbështesim njëqind për qind në raport me BE-në. Anëtarësimi juaj do të jetë i rëndësishëm dhe domethënës për ne," tha Fico, raporton Ukrinform, transmeton Klankosova.tv.

Sipas tij, Sllovakia mbështet aktivisht dhënien e statusit të anëtarit të BE-së për Ukrainën.