FFK-ja pritet me drekë nga FF e Ishujve Faroe

Para përballjes së sotme që Kombëtarja e Kosovës e zhvillon si mysafir ndaj Ishujve Faroe, krerët e Federatës së Futbollit të Ishujve Faroe kanë shtruar një drekë për homologët nga Kosova. Kjo u bë e ditur përmes një njoftimi në faqen zyrtare të Federatës së Futbollit të Kosovës. Me këtë rast, presidenti i FF të Ishujve Faroe, Christian Andreasen falënderoi atë të FFK-së, Agim Ademi për mikpritje të para një muaji pavarësisht humbjes që pësoi reprezentacioni i vendit të tij. Andreasen tha se beson që edhe sot do të jetë një ndeshje e mire korrekte dhe në frymë sportive. Ndërsa, kryetari i FFK-së, Agim Ademi falënderoi Andreasen për mikpritjen duke thënë se futbolli po na bashkon anë e kënd botës. “Gjatë drekës të dy presidentet bashkëbiseduan për bashkëpunimin e ndërsjellë dhe në interes të zhvillimit të futbollit”, thuhet mes tjerash në njoftimin e FFK-së. Ndeshja Ishujt Faroe - Kosova zhvillohet sonte me fillim nga ora 18:00.

klankosova.tv