Festivali që i jep ngjyra Ferizajt

Jo vetëm lulet e bëjnë Ferizajn me më shumë ngjyra në pranverë. Artistët e këtij qyteti dhe jo vetëm, kujdesen tash e disa vite që të shtojnë akoma më shumë ngjyra në vendin e ndarë nga hekurudha, njofton Klan Kosova. Në të dyja anët e qytetit, të tretë më të madh në Kosovë, që nga 10 maji janë krijuar disa murale, grafite dhe punime 3D. Përpos veprave artistike, janë realizuar edhe disa punëtori ndërsa sonte është hapur edhe ekspozita e parë urbane e maestros së fotografisë, Hazir Rekës, njofton Klan Kosova. Krejt këto janë realizuar në kuadër të Festivalit të Muraleve i cili do të përfundojë nesër, më 16 maj, e që për temë kishte anti-korrupsionin.

klankosova.tv