Festivali pa Eurovizion (VIDEO)

Këngëtarët të cilët ankoheshin se juria e Radiotelevizionit të Shqipërisë po ua bënte me hile në Festivalin e Këngës atje, sivjet e patën mundësinë ta dëshmojnë talentin e tyre në Pallatin e Rinisë në Prishtinë, aty ku për herë të parë u mbajt Festivali i Këngës i Radiotelevizionit të Kosovës. Organizimi i këtij festivali u pa si një ndër sukseset më të mëdha të Kosovës në muzikë për këtë vit, raporton Kiks Kosova. Nga 26 tetori, për tri ditë rresht, publiku dëgjoi e vallëzoi me këngët që konkurruan në këtë festival. Trofeun e rrëmbeu La Fazani me këngën “Oj Kosovë”, i cili pavarësisht çmimit, nuk do të mund të përfaqësojë Kosovën në Eurovision të 2024-ës. Në festivalin evropian të këngës, Kosova mori premtimin se do të jetë në 2025-ën. Megjithatë, La Fazani prapë e do Kosovën dhe ka vetëm një porosi për të. “Oj Kosovë Je ma e forta në ketë botë Për ty jetën e kisha dhonë Veç mos m'shtin me bajtë shum rond Shum rond shum rond” https://youtu.be/uOw698sWeas