Ka filluar festivali “Mitrovica Guitar Days", i cili ka sjellur në qytetin e Mitrovicës kitaristë ndërkombëtar dhe vendor, koncerte dhe master klasa nga kitaristë të ndryshëm.
Ministria e Kulturës, Rinisë dhe Sportit ka bërë të ditur se ky festival është hapur me performancën e kitaristit Aniello Desiderio.
“Mitrovica Guitar Days” po sjell në qytetin e Mitrovicës artistë, kitaristë të jashtëzakonshëm ndërkombëtar dhe vendorë, koncerte dhe master klasa nga kitaristë të jashtëzakonshëm. Festivali u hap me performancën e mrekullueshme të kitaristit me renome botërore, Aniello Desiderio i cili për publikun nga Kosova ofroi një program të pasur artistik", thuhet në njoftimin e tyre.
Tutje, në njoftimin e tyre bëhet e ditur se ky Festivali “Mitrovica Guitar Days” do të jetë i hapur deri më 12 tetor, përcjell Klankosova.tv.
"Të pranishëm në mbrëmjen e parë ishin, Ministri i Kulturës, Hajrulla Çeku, drejtoresha për kulturë në Komunën e Mitrovicës, Valdete Idrizi, zëvendësambasadori i Shteteve të Bashkuara në Kosovë, Alison Grunder, drejtori i festivalit, Erhan Mujka, studentë, artistë dhe shumë artdashës. Festivali që mbështetet nga Ministria e Kulturës do të qëndrojë i hapur deri me 12 tetor dhe në kuadër të tij do të organizohen masterclasses nga kitaristë me renome botërore, si dhe do të ketë punëtori, prezantime dhe koncerte të tjera", thuhet në njoftim.
●●●
GSHKRIMI NGA
G.U
Editorial nga Klan Kosova — ndjek kulturë dhe zhvillimet e tjera kryesore të vendit.
