Festimi i dyshimtë i Demiralit, UEFA-ja nis hetimet

UEFA-ja ka nisur hetimin mbi festën e futbollistit turk Merih Demiral kundër Austrisë. Mbrojtësi realizoi dy golat e Turqisë që e çuan këtë kombëtare në çerekfinale të EURO 2024-shit. Mirëpo, mënyra e festimit të 26-vjeçarit, “Përshëndetja e ujkut”, tashmë po cilësohet si gjest që lidhet me lëvizjen nacionaliste turke. Pas golit të dytë ai u duk që e bëri këtë shenjë që lidhet me organizatën Ulku Ocaklair, e njohur gjerësisht si Ujqërit e Hirtë. Ndërkaq tani, UEFA-ja ka lëshuar një komunikatë ku e konfirmon që një hetues etik dhe disiplinor është caktuar që ta hetojë këtë sjellje të supozuar si të papërshtatshme.