"Festa e Krishtlindjes na thërret të bëhemi më të mirë dhe më solidarë" (VIDEO)  

Besimtarët e krishterë në mbarë botën festojnë sot Krishtlindjen, ditën e lindjes së Jezu Krishtit.

Lidhur me këtë, Don Agim Qerkini ka folur në emisionin "Ora 7" në Klan Kosova, duke ndarë mendimet e tij mbi rëndësinë e festave dhe mesazhin që ato sjellin.

Ai theksoi se thirrja e Krishtlindjeve është gjithmonë për të qenë më të mirë, dhe se është një mundësi për t'u reflektuar dhe për t'u solidarizuar me njëri-tjetrin.

 “Thirrja dhe qëllimi gjithmonë janë të pastër, dhe nëse nuk bëhemi më të mirë për çdo vit, të paktën në këto ditë festash duhet të jemi më të ndjeshëm dhe më solidare me njëri-tjetrin, të mundohen të jenë më të mirë në raport me njëri-tjetrin, të ndihmojnë njëri-tjetrin, e kështu me radhë. Natyrisht, festat gjithmonë duhet të ndihmojnë në njomin  e shpirtit të njeriut, dhe në fakt, pa marrë parasysh besimet, duhet të mundoheni të bëheni më të mirë dhe më të mirë. Askush prej nesh në asnjë rrethanë nuk mund të thotë se nuk ka diçka për të përmirësuar në jetën e tij”, tha ai në Klan Kosova.