Festa e Vitit të Ri, Totaj vizitoi policët në detyrë

Kryetari i Prizrenit, Shaqir Totaj, me rastin e festës së Vitit të Ri e vizitoi stacionin policor. Totaj u prit nga eprorët e stacionit, së bashku me policët patrullues të cilët ishin në detyrë edhe në këtë ditë feste. Edhe pse dita e festës, forcat e rendit vazhduan punën e tyre me përkushtim, me qëllim që të ofrojnë siguri për të gjithë qytetarët. Me këtë rast, i pari i kësaj komune i falënderoi policët për angazhimin dhe përkushtimin e tyre, duke iu uruar njëkohësisht Vitin e Ri, me dëshira për shëndet, fat dhe mbarësi.