Ferrari publikon pamje të bolidit që synon titullin e kampionatit

Ferrari ka publikuar pamje të bolidit që do ta ngasin pilotët Carlos Sainz dhe Charles Leclerc për kampionatin në Formula 1 që do të nis në pak javë. Ferrari ka ofruar detaje për adhuruesit e makinave të shpejta se çka mund të presin. Ata synojnë që të garojnë me Red Bullin që po dominon kohëve të fundit pistat e Formulës 1. "Në pamje të parë, makina është estetikisht shumë e ndryshme nga paraardhësit e saj dhe kjo vlen edhe për ngjyrën. Pas një pritjeje pozitive në Las Vegas nëntorin e kaluar, e bardha bën rikthimin e saj së bashku me të verdhën - gjithmonë ngjyra e dytë e Ferrarit - një lidhje e dukshme me Modenën. por edhe një shenjë për aktivitetin tjetër kryesor të garave të Maranello-s përveç Formula 1, përkatësisht Kampionatin Botëror të Qëndrueshmërisë”. "Siç ishte rasti vitin e kaluar, SF-24 dhe ËEC 499P ndajnë të njëjtën nuancë të kuqe, përsëri këtë vit me një përfundim mat në makinën e Formula 1. Nuk është hera e parë që një makinë Ferrari Formula 1 ka të verdhë, megjithëse vijat e verdha gjatësore nuk janë parë që nga viti 1968, ndërsa këtë vit për herë të parë shoqërohet me të bardhën”. "Rrotat janë të kuqe me një shirit të dyfishtë të bardhë dhe të verdhë, këto ngjyra gjithashtu shfaqin në numrat e garës – 16 dhe 55 – të cilët vazhdojnë të përdorin fontin zyrtar të markës Maranello”. Helmetat e reja që do të përdoren:   Përndryshe, garat e Formula 1 nisin më 2 mars, në Grand Prixin e Bahreinit. /Klankosova.tv.