Lajmet e fundit
Fermerët në Hungari dhe Poloni protestuan përgjatë pikave kufitare me Ukrainën të premten, duke shprehur zemërimin e tyre kundër importeve pa taksa të prodhimeve bujqësore ukrainase.
Në Hungari, shumë pjesëmarrës fajësuan Bashkimin Evropian për vështirësitë e tyre, shkruan euronews, transmeton Klankosova.tv.
Këto demonstrata u shkaktuan nga propozimi i javës së kaluar i Komisionit Evropian që të gjitha importet ukrainase në BE të mbeten pa tarifa të paktën deri në qershor të 2025-ës.
Megjithatë, propozimi do të kufizojë disa produkte bujqësore - duke përfshirë disa lloje të sheqerit ukrainas, shpendë dhe vezë - në një përpjekje për të shuar trazirat në rritje midis fermerëve.
Masat pa taksa u prezantuan për herë të parë pas pushtimit rus të Ukrainës në fund të shkurtit 2022 për të ndihmuar ekonominë e vendit, e cila është jashtëzakonisht e varur nga eksportet bujqësore dhe çeliku.
