Fermat e pulave në Britani nisin të mbyllen për shkak të ngritjes së çmimeve

Fermerët e vezëve në Britani të Madhe janë duke zvogëluar madhësinë e tufave ose janë duke u tërhequr nga industria për shkak të kostove të funksionimit që i bëjnë bizneset e tyre të paqëndrueshme, ka paralajmëruar një organ i kësaj industrise bujqësore. Shoqata Britanike e Prodhuesve të Vezëve ka njoftuar se shumë prej anëtarëve të saj janë duke humbur para për shkak të çmimeve të larta të ushqimit të pulave dhe kostove të energjisë, raporton BBC, transmeton KlanKosova.tv. Fermerët kanë bërë thirrje për një rritje prej 40 paund për një duzinë vezë [12 copë] për të ndihmuar në përballimin e kostove. Por supermarketet thanë se ishin “të kufizuar” nga kostoja që mund të kalonin tek klientët. Fermerët pretendojnë se pavarësisht çmimit për një duzinë vezë është rritur përreth 45 përqind nëpër supermarktete që nga marsi, ata kanë marr 5-10 përqind nga rritja.