Ferizajasit ankohen se janë pa rrymë që nga mëngjesi i sotëm (VIDEO)

Situata me mungesën e energjisë elektrike në Ferizaj po vazhdon të jetë e njëjtë. Një lexues i Klankosova.tv, tha se Ferizaj po përballet me një gjendje alarmante që ka paralizuar jetën normale të qytetit. "Qyteti është në kaos të plotë. Bizneset nuk funksionojnë, shërbimet janë të vështirësuara, dhe qytetarët po përballen me shumë stres dhe pasiguri. Kjo situatë kërkon reagim të menjëhershëm nga institucionet përgjegjëse”, tha një qytetar nga Ferizaji. Ata ndër tjerash thonë se mungesa e rrymës ka ndikuar negativisht në funksionimin e bizneseve dhe shërbimeve të tjera. /Klankosova.tv