Ferizaj e mposht Dritën me rezultat 2:1

Ferizaj e ka shënuar një fitore tejet të rëndësishme ndaj pretendentes për titull Dritës. 2:1 është rezultati përfundimtar i kësaj ndeshje të javës së 31-të të Superligës. Golat u shënuan në 45 minutat e dyta të takimit. Llogarinë e hapi Antonio Ilieski, në minutin e 48-të duke kaluar në epërsi skuadrën nga Ferizaj. Veton Tusha, arriti ta barazojë rezultatin në 1:1 në minutin e 80-të, por gëzimi i ekipit nga Gjilani zgjati shkurt, njofton Klankosova.tv. Golin e fitores për Ferizajn e realizoi Fatjon Bunjaku në minutën e 81-të i cili realizoi për rezultatin përfundimtar 2:1. Pas kësaj fitore Ferizaj shkon në kuotën e 45 pikëve dhe mban pozitën e katërt në tabelë, teksa Drita numëron 66 sosh si lider me nëntë më shumë se Ballkani në vendin e dytë që ka 57 sosh.