Ferizaj: Aksident mes tri veturave dhe autobusit, katër të lënduar

Katër persona janë lënduar si pasojë e një aksidenti mes tri veturave dhe një autobusi, në fshatin Prelez i Muhaxherëve të Ferizajt. Rasti ka ndodhur mbrëmë rreth orës 21:00. Kjo u konfirmua për Klankosova.tv nga Kanun Veseli, zëdhënës i policisë për rajonin e Ferizajt. " Ata janë transportuar për trajtim mjekësor në Qendrën Emergjente në Ferizaj nga ekipet e autoambulancës. Për të gjitha veprimet e ndërmarra nga policia, është njoftuar prokurori i shtetit. Më pas janë liruar të lënduarit", tha Veseli për Klankosova.tv Ndryshe, dje në një aksident në fshatin Çubrel të Skenderajt, në një aksident vdiqën tre persona dhe pesë të tjerë u lënduan, prej tyre katër zyrtarë policorë./ Klankosova.tv