Ferat Shala i PDK-së s’kandidon më për deputet, thotë se duhet frymë e re

Ish-deputeti i PDK-së, Ferat Shala nuk do të kandidojë për një mandate të radhës në legjislativin e vendit. Njoftimin për tërheqjen nga gara e ka bërë vetë Shala, në një postim në rrjetin social Facebook. Ai ka thënë se në zgjedhjet e 7 qershorit nuk do të jetë kandidat për deputet nga radhët e PDK-së. Një prej arsyeve, sipas tij, është lirimi i hapësirës për një brez të ri politikanësh. “Partia jonë, si një subjekt politik me rol qendror dhe historik në luftën për liri, në bërjen e paqes dhe në ndërtimin e shtetit të pavarur të Kosovës, ka nevojë të vazhdueshme për rilindje të brendshme; për rifreskim politik, për fuqizim idesh dhe vendimesh të reja.”, ka thënë ndër të tjerash Shala. Shala ka qenë për katër mandate deputet i Kuvendit të Kosovës nga radhët e PDK-së. /Klankosova.tv