Feja s'po i lejon Blake Shelton dhe Gwen Stefani të martohen në kishë

Pas katër vjetësh së bashku, Blake Shelton dhe Gëen Stefani janë gati të bëjnë një hap tutje në lidhjen  e tyre të dashurisë. Të përfolur vazhdimisht për një fejesë ose martesë secrete, çifti – që tashmë janë bërë bashkë për një këngë të re dashurie “Nobody But You” – duket se kanë hasur në një pengesë në planifikimin e të ardhmes së tyre së bashku. “Blake ka dashur qysh nga fillimi një lidhje serioze me Gëen dhe ka shumë kohë që ai e ka menduar që t’i propozojë martesë”, ka thënë një burim për revistën People. Por, duket se ka një problem. Ish-rokerja e grupit “No Doubt” që është e besimit katolik romak dëshiron shumë që të ketë një ceremoni në kishë me yllin e muzikës country. Kisha Katolike Romake nuk e lejon rimartesën pas divorcit, përveç nëse anulohet martesa e mëparshme që mund të jetë një proces shumë i gjatë. Burime pranë këngëtares thonë se për shkak të këtij procesi ceremonia e kurorëzimit në kishë nuk mund të ndodhë momentalisht. 50 vjeçarja Stefani ishte më herët e martuar me frontmenin e grupit britanik “Bush”, 54 vjeçarin Gavin Rossdale për 13 vjet, para se ata të ndaheshin në vitin 2015. Por, megjithatë trajnerët e “Voice” duket se janë shumë të dashuruar dhe padyshim se duan të martohen. Gjatë viteve të fundit, 43 vjeçari Shelton është bërë një baba i dytë për djemtë e Stefanit, Kingston (13), Zuma (11) dhe Apollo (5).