Lajmet e fundit
Familjarë të shumtë mbushën zonën e mbërritjes në aeroportin e Koresë së Jugut. Aty ishin edhe një numër i madh i vullnetarëve të Kryqit të Kuq të cilët shpërndanë batanije.
Kjo pasi atje një aeroplan u rrëzua, duke lënë të vdekur 127 persona. Agjencia Kombëtare e Zjarrfikësve tha se ekipet e shpëtimit u përpoqën për të tërhequr njerëzit nga avioni i pasagjerëve Jeju Air që transportonte 181 persona në aeroportin në qytetin Muan.
Ministria e Transportit tha se avioni ishte një avion 15-vjeçar Boeing 737-800 që po kthehej nga Bangkoku dhe se përplasja ndodhi në orën 9:03 të mëngjesit me orën lokale.
Shumë njerëz u përqafuan me njëri-tjetrin dhe qanë. Disa copa letre qarkulluan për të shkruar detajet e kontaktit të familjeve.
Një i afërm kapi një mikrofon dhe i tha shtypit të mos filmonin.
“Ne nuk jemi majmunë në një kopsht zoologjik. Ne jemi familjet e viktimave. Ne mund të shpërthejmë në çdo kohë, megjithëse po e mbajmë veten”.
Pati konfuzion teksa njerëzit u përpoqën të identifikonin më të dashurit e tyre dhe mbushën zonën e aeroportit ku qindra të afërm u mblodhën dhe i prisnin lajmet.
Një tjetër i afërm i viktimës tha në mikrofon: "Vëllai im vdiq dhe nuk e di se çfarë po ndodh. Nuk e di", shkruan Reuters, transmeton Klankosova.tv.
