Fajon: Është gjeostrategjikisht e nevojshme të ndihmohen kandidatët nga Ballkani Perëndimor në rrugën drejt BE-së

Kryediplomatja sllovene, Tanja Fajon, ka thënë se sot në takim jozyrtar me ministrat e Punëve të Jashtme të Ballkanit Perëndimor është arritur një marrëveshje se është gjeostrategjikisht e nevojshme të ndihmohen kandidatët nga rajoni në rrugën e tyre drejt BE-së deri në vitin 2030. “Të gjithë ramë dakord rreth tryezës se është një domosdoshmëri gjeostrategjike për të ndihmuar vendet në rrugën e tyre drejt Bashkimit Evropian deri në vitin 2030”, tha Fajon rreth darkës më kryediplomatët nga Ballkani Perëndimor që u mbajt të dielën në Luksemburg, e organizuar nga shefja e diplomacisë  evropiane, Kaja Kalas, transmeton Klankosova.tv. Fajon sot pas mbërritjes në takimin e Këshillit të BE-së për Punë të Jashtme në Luksemburg deklaroi se gjatë kësaj darke është edhe folur për situatën politike në Serbi me krerët e diplomacisë nga rajoni.