Facebook përpiqet të përfshijë gjithnjë e më shumë përdorues që nuk kanë lidhje të shpejtë interneti, apo tregje emergjente në zonat rurale, duke i parë me vëmendje dhe në botën profesionale.
Rrjeti social bën të ditur se fluksi i saj i lajmeve do të ketë një dizajn më të përshtatshëm për internetin e “ngadaltë”. Madje, offline mund të lihen edhe komentet. Ndërsa Facebook at Work, për momentin në fazën e testimit, mund të publikohet muajt e ardhshëm.
Prej kohësh Facebook ka shtuar funksione të reja të versionit të tij për celular, për të pëmirësuar eksperiencën e përdoruesve që kanë një lidhje të ngadaltë interneti.
Përveçse mund të postosh kur nuk ke rrjet, tashmë edhe komentet mund të bëhen në mënyrën offline, dhe do të publikohen automatikisht kur smartphone të lidhet.
Ndërsa për fluksin e lajmeve nuk ka një algoritëm të ri, është programi ai që vendos prioritetin e postimeve që do të shohim. Për më tepër “news feed” në rastin kur nuk ka lidhje interneti, do të tregojë vetëm ato lajme që ka shkarkuar por që përdoruesi nuk i ka parë ende. Dhe kur aplikacioni të lidhet me internetit do të shkarkojë edhe përditësimet e fundit.
Ndërkaq, Facebook at Work, versioni që sfidon LinkedIn për botën e punës që doli si test në janar, mund të vijë përfundimisht në muajt e ardhshëm. Një zëdhënës i kompanisë ka bërë të ditur për faqen Venture Beat, se do të adoptohet modeli i “freemium”, shërbimi do të jetë falas por ekstrat do të jenë me pagesë./Top Channel/
●●●
ABSHKRIMI NGA
A. BA
Editorial nga Klan Kosova — ndjek tech & auto dhe zhvillimet e tjera kryesore të vendit.
