Fabregas: “Për momentin nuk jemi ende ekip për Champions League”

Trajneri i Como, Cesc Fàbregas, ka komentuar formën e mirë të skuadrës së tij dhe garën për vendet e para në Serie A, duke theksuar se ekipi ende nuk është gati për Champions League. Pas fitores ndaj Cagliarit, tekniku spanjoll u pyet nëse Como ka vlerat për të qëndruar në zonën Champions, por ai u tregua realist në deklaratën e tij. “Për momentin jo, sepse ende nuk jemi aty. Klasifikimi është ai që ka rëndësi. Statistikat tregojnë se jemi në rrugën e duhur, por duhet të vazhdojmë të rritemi”, u shpreh Fàbregas. Ai shtoi se skuadra e tij po bën hapa përpara dhe duhet të përballet me ndeshje të vështira kundër ekipeve më të mëdha për të treguar nivelin e vërtetë. Megjithatë, trajneri spanjoll mbetet optimist për të ardhmen e Como-s, duke theksuar se projekti i klubit është në rritje dhe se skuadra po ndërton gradualisht mentalitetin për të konkurruar në nivelet më të larta të futbollit italian. /Klankosova.tv