Evra: Nuk i mbaj mëri Suarez

Mbrojtësi i Juventus, Patrice Evra, thotë se do t’a përshëndes sulmuesin e Barcelonës, Luis Suarez, në finalen e së shtunës. Dy lojtarët ishin të përfshirë në një incident të mosdurimit racor, në të cilin Suarez u gjet fajtor pasi refuzoi ta përshëndes francezin para ndeshjes Liverpool – Manchester United. Ai u dënua me disa ndeshje moslojë, por kthimi i tij shkaktoi prapë kundërthënie, pasi ai i shmangej francezit gjatë përshëndetjeve. “Unë do ta përshëndes sepse jam profesionist”. “Siç e kam thënë edhe herë të tjera, unë e pëlqej veten kështu si jam. Unë do të luaj kundër Barcelonës, jo kundër Luis Suarez”. “Të gjithë do ta ndjejnë prezencën time”. Mbrojtësi komentoi edhe transferimin e tij tek kampionët e Italisë, limën e përgjithshme futbollistike në Gadishullin Apenin dhe ndikimin e viteve tek ai. “Në fillim gjithçka ishte e vështirë, për shkak të mënyrës se si këtu funksionojnë gjërat”. “Mendoj se këtu stërvitjet janë më të vështira se ndeshjet. Më kujtohet që gjatë parasezonit trajneri më thoshte: ‘Pat, a je mirë’, ndërsa unë i përgjigjesha: ‘Jam ende gjallë’. Kaq të vështira ishin stërvitjet”. “Nuk mendoj se po më ikën koha. Unë e shoh veten si verë. Sa më shumë vite mbushë, aq më i mirë bëhem”. Barcelona dhe Juventus takohen të shtunën në finalen e Champions League, në Berlin.