EUROSTAT: Shqipëria e fundit në Evropë sa i përket të ardhurave për frymë

Shqipëria renditet e fundit në Evropë në kuadër të të ardhurave për frymë. Sipas EUROSTAT, të ardhurat për frymë në Shqipëri janë 35 për qind e mesatares evropiane, duke u renditur në të njëjtin nivel me Bosnja e Hercegovinën, përcjell Klankosova.tv. Ndërsa për sa i përket vendeve  të tjera të rajonit, nivelin më të lartë e ka Mali i Zi me 52 për qind. Maqedonia e Veriut kishte të ardhura sa 41 për qind e BE-së. EUROSTAT është ndalur edhe tek konsumi aktual për frymë, që i referohet të gjitha mallrave dhe shërbimeve të konsumuara aktualisht nga familjet. Edhe tek konsumi individual, Shqipëria sërish renditet e fundit në Evropë, me 42 për qind të mesatares evropiane, nga 41 për qind vitin e mëparshëm. Në Evropë nivelin më të lartë për frymë e kanë Irlanda dhe Luksemburgu.