Estonia fiton përballjen ndaj vashave të Kosovës

Vashat e Kosovës U16 kanë pësuar nga Estonia me rezultat 76:41. Kjo sfidë ishte e vlefshme për vendet 17-20 në FIBA U16 Women’s EuroBasket, Divizioni B, që po zhvillohet në Konya të Turqisë. Vashat e Kosovës ishin të barabarta me ato estoneze në fillim të ndeshjes dhe në dhjetë minutat e fundit, por periudha e dytë dhe tretë ishte vendimtare, ku Estonia në fund fitoi 76:41. Dardanet e reja të premten do të ndeshen me Zvicrën dhe të shtunën me Luksemburgun, në ndeshjet e fundit në këtë garë.