Lajmet e fundit
Rasti i Christian Eriksenit e tronditi të gjithë botën.
Ai pësoi një arrest kardiak në ndeshjen hapëse të Danimarkës në Euro 2020 kundër Finlandës, qershorin e kaluar.
Por, ish- futbollisti i Tottenhamit dhe Interit u ringjall përfundimisht falë ndihmës së shokut të skuadrës, Simon Kjaer, dhe punës së jashtëzakonshme të mjekëve në fushë.
Danezi foli për incidentin, gjatë një interviste me kanalin televiziv danez “DR 1”, duke zbuluar se zemra e tij ndaloi për pesë minuta, shkruan Mirror, përcjell Klankosova.tv.
“Është e mahnitshme që kaq shumë njerëz ndjenë nevojën për të shkruar ose dërguar lule. Kjo më bëri shumë të lumtur. Në spital, ata vazhdonin të thoshin se do të merrja gjithnjë e më shumë lule".
"Ishte e çuditshme sepse nuk prisja që njerëzit të dërgonin lule, sepse vdiqa për pesë minuta. Ishte mjaft e jashtëzakonshme, por ishte shumë mirë nga të gjithë dhe ka qenë një ndihmë e madhe për mua që të marr të gjitha ato urimet më të mira".
