Ende pa u bërë 24 orë nga "Sunny Hill" Tirana bëhet sponsor zyrtar i "Doku Fest"

Bashkia e Tiranës edhe zyrtarisht është bërë sponsor zyrtar i festivalit të filmit "Doku Fest" që mbahet çdo vit në Prizren. Kjo ende pa u bërë as 24 orë prej zhvendosjes së festivalit muzikor "Sunny Hill, nga Prishtina në Tiranë Kjo u bë e ditur nga kryetari Erion Veliaj.

Sh i lumtur qe kete vit @CityOfTirana do jete sponsor zyrtar i @DokuFest ne Prizren kuruar me ❤️ nga Vetoni, Erolli, Nita & miq! Ndonese jo ne Tirane, por me sh pjesmarrje nga Tirana, per ne ka rendesi qe jeta kulturore te geloje ketej, andej e gjithandej ku ka shqiptare! ??❤️?? pic.twitter.com/KaXuHR4zEC

— Erion Veliaj #EYC2022 ???? (@erionveliaj) June 15, 2022

"Doku Fest" është një festival ndërkombëtar i filmit dokumentar dhe të shkurtër që mbahet në qytetin e Prizrenit, dhe mbahet çdo vit gjatë muajit gusht. U themelua në vitin 2002. Që atëherë festivali është rritur në një ngjarje kulturore që tërheq artistë dhe audiencë ndërkombëtare dhe rajonale. Filmat shfaqen gjatë gjithë festivalit tetë-ditor dhe shoqërohen me programe, aktivitete dhe punëtori. Në vitin 2022, Dokufest u bë një festival filmi nominues për Çmimet e Filmit Evropian në dy kategori, film me metrazh të shkurtër dhe film dokumentar.