Eliza Dushku thotë se nuk ka hequr dorë nga aktrimi

Eliza Dushku mund të jetë e zënë me pritjen e fëmijës dhe studimet por ajo nuk ka hequr dorë nga Hollywood-i, transmeton Klan Kosova. Aktorja 38 vjeçare kohëve të fundit foli për jetën e saj në Boston me bashkëshortin Peter Palandjian dhe diplomën e saj në Universitetin Lesley, ku ajo po studion psikologjinë holistike. “Fokusi im tani është i orientuar në disa gjëra që nuk isha me të vërtetë në gjendje të përqendrohesha kur kisha punë në LA”, tha Eliza për People. “Unë nuk e kam lënë aktrimin. Nuk e kam lënë Hollywood-in, por ky është vetëm një aspekt tjetër i jetës sime, është me të vërtetë e rëndësishme dhe emocionuese për mua”.