"Elefantët" e fitojnë për herë të tretë Kupën e Kombeve të Afrikës

Bregu i Fildishtë e ka fituar Kupën e Kombeve të Afrikës, pasi në finale mposhti Nigerinë, me rezultat 2-1.

Fillimisht në epërsi kaluan nigerianët me anë të W. Troost-Ekong, në minutën e 38’. Me këtë rezultat përfundoi pjesa e parë.

Në pjesën e dytë, nikoqiri arriti të kthehet në lojë. Fillimisht rezultatin e barazoi Franck Kessie në minutën e 62’.

Teksa golin e fitores e shënoi Sebastian Haller, në minutën e 81’, pas një asistimi nga Adingra.

Bregu i Fildishtë e fiton këtë trofe për herë të tretë në histori. /Klankosova.tv.