Elbasani feston ardhjen e pranverës, ekspozon dhjetëra vetura të vjetra (FOTO)

Disa automjete të vjetra të koleksionit shqiptar RETRO u ekspozuan sot në sheshin e Elbasanit për të shënuar kështu ardhjen e pranverës. Automjetet ngjallën kureshtjen e shumë të apasionuarve e nostalgjikëve të së shkuarës automotive, por edhe publikut kureshtar të çdo grupmoshe, raporton Klankosova.tv. Kryeministri i Shqipërisë, Edi Rama shpërndau në Facebook pamje nga Elbasani. Në Regjistrin Zyrtar të Mjeteve Historike, sot numërohen rreth 450 të tilla si pjesë e koleksionit shqiptar RETRO. Federata Ndërkombëtare e Mjeteve Antike miratoi në nëntor 2022 aplikimin e “Retro Albania”, për anëtarësimin në familjen mbarëbotërore për mbrojtjen, ruajtjen dhe promovimin e mjeteve historike, ku bëjnë pjesë 109 shtete dhe një flotë prej mbi 1.5 milion mjete koleksioni. /Klankosova.tv Rrini të informuar mbi zhvillimet kryesore duke u bërë pjesë e komunitetit tonë në Viber BONUS: Merreni aplikacionin tonë në Android dhe iOS