Ekstradohet nga Dubai në Shqipëri, 47-vjeçari që siguronte mjete për të kryer vrasje

Është ekstraduar nga Dubai në Shqipëri, 47-vjeçari i shumëkërkuar nga autoritet shqiptare. Sipas njoftimit të Policisë së Shqipërisë, ndaj D.B., ishte caktuar masa e sigurisë “Arrest në burg”, për veprat penale “Sigurimi i kushteve dhe i mjeteve materiale për të kryer vrasje”, “Grupi i strukturuar kriminal”, “Kultivimi i bimëve narkotike” dhe “Kryerja e veprave penale nga organizata kriminale, ose grup i strukturuar kriminal”, transmeton Klankosova.tv. Ekstradimi i të njëjtit u realizua si rezultat i bashkëpunimit dhe besimit mes Policisë së Shtetit dhe homologëve në Emiratet e Bashkuara Arabe, konkretizuar me shkëmbim intensiv informacioni mes Interpol Tirana dhe Interpol Abu Dhabi, si dhe me bashkërendim të veprimeve operacionale, mbrëmjen e sotme, në vijim të operacionit ndërkombëtar të koduar “The Wanted”.