Ekstradohen nga Italia dhe Gjermania dy shqiptarë për ndihmë në emigrim dhe vjedhje

Janë ekstraduar nga Italia dhe Gjermania dy shqiptarë për vepra të ndryshme penale. Sipas njoftimit të Policisë së Shqipërisë, A. L., 29 vjeç, u ekstradua nga Italia, pasi akuzohej nga GjKKO-ja për dhënie ndihmë për emigrim të kundërligjshëm drejt Mbretërisë së Bashkuar, ShBA-së dhe Kanadasë, transmeton Klankosova.tv. Ndërsa F. B., 20 vjeç, u ekstradua nga Gjermania pasi Gjykata e Tiranës e ka dënuar dy herë, përkatësisht me 8 muaj në vitin 2021 dhe 6 muaj burgim në vitin 2024, për veprën penale “Vjedhja”.