Ekspozitë etnografike në kalanë e Prezës

Në kuadër të ditëve evropiane të trashëgimisë kulturore, të dielën në kalanë e Prezës zhvillohet një ekspozitë e veçantë etnografike.

Aktiviteti i organizuar nga të rinj, të mbështetur nga fondacioni “Soros”, promovon etnografinë e zonës së Prezës, një vend me potencial të rëndësishëm historiko-kulturor për Tiranën dhe i vetmi potencial për bashkinë e Vorës.

Një ndër studentet organizatore, Ervisa Zaja, thotë se e nxitur nga studimet që vazhdon, për Histori, ka vendosur të mbledhë të rinj të zonës së Prezës për t’u bërë promotorë të trashëgimisë së vyer të kësaj zone, transmeton Gazeta Shekulli.