Lajmet e fundit
Operacione dhe ndërhyrje me metodologjinë më të re në Kardiokirugji dhe Kardiologji, trajtime profesionale për Pediatrinë dhe shërbime të shpejta dhe me standardet më të larta, do të ketë shumë shpejt edhe në Kosovë, me ndihmën e ekspertëve kroatë të shëndetësisë.
Kjo do të bëhet e mundur falë vizitës të ministrit të Shëndetësisë, Uran Ismail në Kroaci.
Pas takimit me Minstrin kroat të shëndetësisë dhe udhëheqësit e Fondit të Sigurimeve Shëndetësore kroate, ministri Ismaili, së bashku me drejtorin e SHSKUK-së, Basri Sejdiun, kanë vizituar sot Qendrën Klinike Universitare të Rebros.
Në takimin me drejtorin e kësaj qendre Ante Çorusic, ministri Ismaili kërkoi që të krijohen më shumë ura bashkëpunimi në mes të dy qendrave klinike universitare. Specifikisht, të shtohet ndihma mjekësore kroate, si një vend me mjekësi të zhvilluar për Kosovën, transmeton Klan Kosova.
