21.02.2022 · përditësuar para 1587 dite2 min lexim
Premiera e episodit 483 të emisionit ekskluziv basketbollistik, ASIST që vjen me fillim nga ora 21:00 në Art Sport 1 dhe 10 minuta pas mesnate në Klan Kosova është shumë speciale dhe fokusohet tek ndeshja e radhës e parakualifikimeve për Eurobasketin 2025 mes Kosovës dhe Norvegjisë si dhe projekti më i ri “Jr. NBA” që vjen për herë të parë në vendin tonë në bashkpunim mes ligës më të fortë të basketbollit në botë, NBA dhe Federatës së Basketbollit të Kosovës. Me këtë rast të ftuar në studio do të jenë ish-NBA lojtari i skuadrave si Boston Celtics, Golden State Warriors, Cleveland Cavaliers dhe Milwaukee Bucks, Jiri Welsch, i cili është ambasador i projektit të Junior NBA si dhe Adrian Carrion që është përgjegjësi i projektit për vendin tonë.
Çfarë është ky program special i NBA-të që po vjen në Kosovë dhe si do i ndihmoj ai fëmijët kosovar?
Si lindi ideja për të sjellë Jr.NBA në vendin tonë?
Cili është mesazhi i ish-NBA lojtarit, Jiri Welsch për të rinjtë që do marrin pjesë në këtë program?
Këto dhe shumë të tjera mund t’i mësoni nga biseda në studio, të cilën Agon Fehmiu e realizon me këta dy mysafirë shumë special teksa poashtu në studio do të jetë edhe ndihmës-trajneri i Sigal Prishtinës dhe njëkohësisht analisti i basketbollit, Andin Rashica i cili do të tregoj rreth pikave të dobta dhe atyre të forta të përfaqësueses norvegjeze me të cilën do të përballet Kosova në fundjavë teksa poashtu rreth kësaj ndeshje do të informoheni edhe nga lajmet dhe storiet e përgatitura.
Cilat janë ndryshimet në listën e Norvegjisë nga ndeshja e parë me Kosovën?
Kush prej lojtarëve norvegjez ka ndryshuar skuadër dhe po luan më mirë?
Gjithsesi që në ASISTIN 483 nuk do të mungon as rubrika speciale “Shqiptarët në Botë”, aty ku në fokus janë Kenan Spahiu dhe Edon Maxhuni teksa fluturimi basketbollistik do të përmbyllet me analizën dhe raportin special nga eventi fantastik i “NBA All Star” që u zhvillua vikendin që lamë pas.
●●●
Shpërndaje këtë artikull
SZ
SHKRIMI NGA
Sh Z
Editorial nga Klan Kosova — ndjek sport dhe zhvillimet e tjera kryesore të vendit.
