Është një natë championsi, por në platformën numër një në vend nuk do të thotë se nuk do të ketë edhe evente të tjera, me një ndeshje nga Liga Unike e Femrave në basketboll që do të transmetohet direkt në kanalet Art Sport.
Duke nisur nga ora 19:00 me komentator Engjëll Bërbatovcin drejtpërdrejt nga pallati i Rinisë dhe Sporteve vjen në Art Sport 3 dueli Prishtina – Bashkimi, i cili vlen për xhiron e tetë të garave nga Liga Unike në konkurrencën e femrave.
Bashkimi nga shtatë ndeshje deri më tani ka arkëtuar 4 fitore dhe ka tre humbje kurse Prishtina ka një duel më pak të zhvilluar duke arritur po ashtu 4 fitore, por ka dy humbje në gjashtë përballje të luajtura.
Këto dy skuadra u ndeshen para 11 ditësh në “Karagaq” në Finalen e Kupës së Kosovës në konkurrencën e femrave teksa ndeshjen e fitonte Bashkimi duke u kurorëzua me trofe.
●●●
RSHKRIMI NGA
Ramushi
Editorial nga Klan Kosova — ndjek sport dhe zhvillimet e tjera kryesore të vendit.
