Ekonomisti Mustafa: Kjo Qeveri me çdo kusht do që t'i varfërojë qytetarët (VIDEO)

Ekonomisti Bashkim Mustafa ka kritikuar Qeverinë dhe partinë në krye, Lëvizjen Vetëvendosje, që ishte kundër uljes së akcizës dhe heqjes së TVSh-së për naftën. Sot përndryshe në Kuvendin e Kosovës nuk kishte kuorum për votimin e rezolutës së LDK-së për një gjë të tillë. “Nuk është hera e parë që Qeveria nuk është e përgjegjshme ndaj qytetarëve të vendit, votuesve dhe të gjithëve në nivel të vendit”, ka thënë Mustafa në Edicionin Special të Klan Kosovës. “Kjo po dëshmohet dhe u dëshmua edhe në ditët e sotme që nuk po e sheh ekonominë apo partneritetin me qytetarët e vendit, por po e sheh vetëm mbushjen e buxhetit dhe interesat e tyre personale dhe interesat e tyre qeveritare”. “Gjithsesi se të drejtë në këtë rast kishte opozita, me plot të drejtë e bëri debatin në formë të argumentuar, në formë profesionale dhe patjetër që do të duhej të kalonte ligji për uljen e akcizës dhe TVSh-së, por fatkeqësisht nuk gjeti mbështetje dhe nuk kam pritur të gjejë mbështetje nga Qeveria e cila ka një mendësi staliniste dhe leniniste, dhe qasja e tyre është dekurajuese për qytetarët e vendit të cilët me çdo kusht tentojnë t’i varfërojnë dhe në anën tjetër t’u japin lëmosha dhe t’u thonë ‘faleminderit’”.