Bajra: ShBA nuk shqetësohet për çmimin e naftës, por për uraniumin e pasuruar në Iran (VIDEO)

Ekonomisti Emanuel Bajra ka deklaruar se për Shtetet e Bashkuara nuk është shumë i rëndësishëm ndikimi i çmimit të naftës, duke thënë se si vend eksportues, ajo e ka të rregulluar furnizimin e saj me energji. Ai në emisionin “Ora 7” tha se shqetësim më i madh për ShBA-në mbetet çështja e uraniumit të pasuruar në Iran, duke theksuar se nuk do të lejohet që sasi të tilla të mbeten të pakontrolluara gjatë këtij viti. “Amerika nuk do të lejojë që 460 kg të uraniumit të pasuruar të jenë akoma të lira gjatë gjithë këtij viti në Iran, dhe ky është një problem shumë i madh”, ka deklaruar Bajra. Siç thotë ai, një nga arsyet kryesore lidhet edhe me interesin për rikthimin e investimeve në dollar, duke shtuar se proceset e de-dollarizimit përbëjnë një sfidë për ShBA-në. “De-dollarizimi është kërcënim për Amerikën, ndërsa luftërat gjeopolitike dhe ikja e investitorëve nga nafta dhe asetet e tjera mundësojnë rikthimin e tyre në dollar”, tha ai. Ndiqni detajet e plota, në videon e bashkangjitur: https://youtu.be/Pw7RSTnraFo