Ministrja për BE-në dhe Kushtetutën në Kancelarinë Austriake, Karoline Edtstadler, e shoqëruar dhe nga ministri Federal i Punës dhe Ekonomisë, Martin Kocher, vizituan Tiranën, ku patën takime me kryeministrin e Shqipërisë, Edi Ramën, ministrin e Jashtëm, Igli Hasani, si dhe ministrin e Ekonomisë, Blendi Gonxhe.
Ministrja austriake ka ndarë pamjet nga takimi në X. Në reagimin e saj ministrja thekson se vendi i saj mbështet rrugëtimin e Shqipërisë në BE, shkruan klankosova.tv.
“Dita 2 në Ballkanin Perëndimor. Vazhdova udhëtimin për në Shqipëri, së bashku me ministrin Martin Kocher. Shumë faleminderit kryeministrit Edi Rama për pritjen e ngrohtë në Tiranë. Shkëmbime të mendimesh me ministrin e Jashtëm Igli Hasani, ministrinë e Ekonomisë Blendi Gonxhe dhe Ministren e Shtetit dhe Kryenegociatoren, Majlinda Dhuka. Austria mbështet Shqipërinë në rrugën e saj drejt BE-së”, ka shkruar Edtstadler.
●●●
AHSHKRIMI NGA
Albina Haxholli
Editorial nga Klan Kosova — ndjek lajme dhe zhvillimet e tjera kryesore të vendit.
