Edona James: Big Brother VIP Kosova – gjëja më e mirë që më ka ndodhur

Ish-banorja e Big Brother VIP Kosova 2, Edona James ka thënë se ky spektakël, është gjëja më e mirë që i ka ndodhur në jetë. Në emisionin “Ora Shtatë” në Klan Kosova, ajo tha se njerëzit i dhurojnë shumë dashuri, dhe krejt kjo falë paraqitjes në Big Brother VIP Kosova ku siç tha ajo, e ka treguar veten. “Njerëzit më duan shumë, më japin shumë dashuri. Big Brotheri ka qenë gjëja më e mirë që ka ndodh në jetën time, ndryshova mendjen e njerëzve, mentalitetin e kosovarëve”, u shpreh Edona. https://www.youtube.com/watch?v=8c400gJvMt8 Edona James ka marrë vëmendjen në edicionin e kaluar për humorin e saj dhe sinqeritetin që ka treguar. Ajo për javë të tëra është shpallur e preferuara e publikut. Ndryshe, edicioni i tretë nis sonte duke filluar nga ora 21:00 në Klan Kosova dhe Art Motion.