Lajmet e fundit
Java në emisionin "Ora e Pasdites" nisi me diskutime për projektin më gjigant në vend, "Big Brother VIP Kosova".
Të ftuar për një bisedë pikërisht për efektin që po jep reality show në fjalë në shoqëri, ishin gazetarja, Genita Ukaj dhe Diamant Bajra drejtuesi i ekipit të rrjeteve sociale në Big Brother. Që të dy u pajtuan se edicioni i dytë i BBK do të jetë më i nxehtë së ai i pari.
"Statistikat na tregojnë që aty ku është Klan Kosova dhe BBK, prezenca jonë ka përfshirë mbi 12 milionë shikime gjatë 24- orshit të ditës së parë. Ky sigurisht është një rezultat bajagi i madh dhe tregon se audienca është t'u e kqyr, dhe kanë interes për BBK" u shpreh Bajra, duke përgëzuar produksionin e Big Brother për përzgjedhjen e botëve të ndryshme të banorëve.
Banorët këtë edicion të dytë, kanë nisur që në ditët e para të zbulojnë gjëra personale të tyre, dhe këtë e thotë gazetarja Genita Ukaj e cila i përcjellë nga afër zhvillimet brenda shtëpisë më të famshme në vend.
"Është e vërtetë që kanë zbuluar më shumë se ata të vitit të kaluar. Mua më duket se është një strategji e tyre, sepse i kanë parë ata të kaluarit. Ndërsa ata që veç rrinë pasiv nuk kanë vend në shtëpi. Kështu që, po zbulojnë shumë gjëra, ndoshta edhe me qëllimin që me qenë pjesë e "Prime", tha Ukaj.
Për të shikuar Big Brother VIP Kosova abonohu në:
